３種體質＝３種不同飲食方法去最大化增肌減脂

講緊嘅唔係中醫嘅咩咩燥熱／濕熱／寒底體質，而係按照你體型嘅特點、肌肉線條而作出分類，分為３種（如圖示）。不同嘅體質會對不同飲食方案（碳水化合物：蛋白質：脂肪比例）有不同反應，例如有人適合食多D碳水化合物做飯桶都冇問題；有D人就需要減少碳水化合物嘅攝取，食多D蛋白質（例如瘦肉）。快D同JK Fitness一齊對號入座，搵出自己的體質啦！

Ectomorph (瘦型體質): 所謂的吃不胖型，肩膀窄，胸腔較扁平。這種體質新陳代謝率非常高，想增重或長肌肉飲食都須要非常大量的卡路里。

明星例子：變身前的張家輝、港姐冠軍陳凱琳

Mesomorph (體育型體質): 這種體質天身就比較強壯，肌肉線條明顯。稍微鍛鍊就可以看出成果，增重或瘦身也比較容易，適合做運動員。

明星例子：大隻仔溫家偉、羅仲謙

Endomorph (易胖型體質): 俗稱飲水都肥！雖然有點誇張，這種體型傾向於矮胖，新陳代謝慢。肌肉線條不明顯，好處是雖然脂肪囤積容易，若鍛鍊肌肉發展也容易！

明星例子：杜汶澤、苟姑娘

其實好少人可以完全歸類到其中一個體質，多數都係混合型。以JK Fitness創辦人JK為例，我屬於是易胖型（以為肥底）MIX體育型，肩膊天生橫，頭骨大，想增重或練出肌肉唔難，但都要稍為控制熱量避免增長太多脂肪。所以依照你的體質，身材現況，加上你的目標，你所需要的卡路里和飲食方案（碳水化合物：蛋白質：脂肪比例）會與別人差很多。

以下係JK Fitness比各位不同體質人士嘅飲食同運動建議：

Ectomorph　瘦型體質： 大量碳水化合物（飯、磅包、水果、薯仔）是重點，當然要肌肉生長唔好忘記要有優質蛋白質。一般人建議多食用瘦肉，但因為瘦型體質人新陳代謝太快，所以適量食D肥肉例如係豬扒、雞腿、牛排都無所謂。運動方面以力量訓練為主，有氧運動最多一星期2次，每次唔好超過30分鐘。

Endomorph 易胖型體質：需要降低碳水化合物的攝取，戒生果同果汁（高果糖），碳水化合物多選擇粗糧，例如係麥皮、紅米、蕃薯。仲有每餐食多D蔬菜維持血糖妥定增加飽肚感；食多D瘦肉。運動方面都係力量訓練和有氧時間分配大概5：5，例如你一星期做運動4次，咁就２次力量訓練２次有氧訓練。

Mesomorph 體育型體質：恭喜你，你絕對係Fitness Model嘅好苗子，快D私下聯絡JK Fitness，我額外提供更多心得比你，未來男神／女神指日可待！